تاک
گۆڤاری"فۆرن پۆلیسی"ی ئەمریکی ڕاپۆرتێکی بەناونیشانی
"راگرتنی هەناردەکردنی نەوتی کوردستان بووە بە کارتێکی فشار" بڵاوکردووەتەوە
و تێیدا ئاماژەی بەوە کردووە:
"بانگەشەکانی تورکیا بەوەی هەناردەکردنی نەوتی
خاوی عێراق لەڕێگەی خاکەکەیەوە لە ئەنجامی زیانەکانی بومەلەرزەکەی ئەو وڵاتەوە
دروست بووە، پێچەوانەی ڕاگەیاندنی سەلامەتی بۆری "کەرکوک- جەیهان" ە لەلایەن
بەرپرسانی کەرتی وزەی تورکیا و بەردەوامی هەناردەکردنی نەوت لە دوای بومەلەرزەکە".
"کاتی وەستاندنی هەناردەکردنی نەوتی هەرێم
لە ڕێگای بۆریی عێراق-تورکیا زۆر نیشانەی پرسیار دەوروژێنێت، بەو پێیەی دوای بڕیارەکەی
دادگای پاریس هات کە بەپێی ئەوە دەبێت تورکیا نزیکەی ملیارێک و 500 ملیۆن دۆلار وەک
قەرەبوو بداتە عێراق لەبەرامبەر هەناردەکردنی نەوتی کوردستان، لە کاتێکدا وەزارەتی
نەوتی عێراق داوای زانیاریی پەیوەست بە دۆزینەوە و پشکنینی بۆ سیستمی بۆرییەکەی لەلایەنی
تورکی نەکردووە تا 22ی حوزەیرانی ڕابردوو".
"هەر یەک لە حکومەتی عێراق و تورکیا هیچ
پەلەیان نییە لە دووبارە هەناردەکردنەوەی نەوتی خاوی هەرێمی کوردستان؛ هەرچەندە هەریەک
لەو دوو وڵاتە لە ئەنجامی راگرتنی ئەو هەناردەکردنەوە زیانێکی دارایی گەورەیان بەردەکەوێت،
بەڵام حیساباتی زەرەر و قازانج بە لای عێراق و تورکیاوە لەیەکتر جیاوازن، بە شێوەیەک
سەردانەکەی وەزیرانی دەرەوە و وزەی تورکیا بۆ بەغدا ئامانجەکانی تورکیای ئاشکرا
کردووە بەوەی دەیانەوێت عێراق، پارتی کرێکاران کوردستان بخاتە لیستی تیرۆرەوە".
"ئەمە بەڕوونی ئاماژەیە بۆ ئەوەی تورکیا
کارتی وزە بەکاردەهێنێت بۆ فشارخستنە سەر عێراق بۆ بەدەستهێنانی دەستکەوتی ئەمنیی
و سیاسیی کە ڕەنگە قازانجەکانی زۆر زیاتر بێت لە زیانەکانی ڕاگرتنی هەناردەکردنی نەوتی
عێراق لە ڕێگەی خاکەکەیەوە".
سەرچاوە
https://www.sharpress.net/all-detail.aspx?Jimare=219372
#ئابووری
#باشووری_کوردستان
#تورکیا
#پەکەکە
#عێراق
بینێرە لە ڕێگەی