تاک
ڕەجەب تەیب ئەردۆگان
سەرۆک کۆماری تورکیا جەخت لەسەر "تورکمانی بوونی شاری کەرکوک" دەکاتەوە
و دەشڵێت، "ئەگەر کوردیشی تێدابێت دەکرێت کەرکوک شاری ئەوانیش بێت".
بە گوێرەی
گرتەیەکی ڤیدیۆیی کە ئامەد دیجلە Amed Dicle ڕۆژنامەوانی نزیک لە پەکەکە لە
تۆڕی کۆمەڵایەتی X بڵاویکردووەتەوە، لە
بەرنامەیەکی تەلەفزیۆنی ڕووداودا، پێشکەشکارێک ئاماژە بەوە دەدات "ئەردۆگان
وتویەتی کەرکوک شارێکی تورکمانییە و ئەگەر کوردیشی تێدا بێت دەکرێت شاری ئەوانیش
بێت"، نێچیرڤان بارزانی سەرۆکی هەرێمی کوردستانیش پشتیوانی لە وتەکەی ئەردۆگان
دەکات.
لە هەمان کاتدا
بەگوێرەی وتەی پێشکەشکارەکە، ئەردۆگان داوای "دەستبەجێ داگرتنی ئاڵای
کوردستانی لە کەرکوک کردووە".
لەو بەرنامە
تەلەفزیۆنییەدا پێشکەشکارەکە ڕوودەکاتە بارزانی و لێی دەپرسێت، "ڕەجەب تەیب ئەردۆگان
سەرۆک کۆماری تورکیا ڕایگەیاندووە، کەرکوک شارێکی تورکمانییە، پاشان شارێکی
عەرەبییە، ئەگەر کوردیشی لێبێت ئەوا دەکرێت شاری ئەوانیش بێت، بەڵام دەبێت
دەستبەجێ ئاڵای کوردستان لەو شارە دابگیرێت، بەڕێزتان چیدەڵێن لەو
بارەیەوە؟".
نێچیرڤان
بارزانی سەرۆکی هەرێمی کوردستان لە وەڵامی پرسیارەکەدا دەڵێت، لە ڕاستیدا "ئێمەش وەک جەنابی سەرۆک کۆماری
تورکیا پێمانوایە کەرکوک تەنها شارێکی کوردی نییە".
بارزانی لە
درێژەی وەڵامەکەیدا ئامەژە بەوە دەدات، "کەرکوک شاری کورد و تورکمان و
عەرەبە، ئەمە ڕاستییەکە ئێمەش وایدەبینین".
سەرچاوە:
تویتەری ڕۆژنامەوان Amed Dicle
https://twitter.com/ameddicleT/status/1698721090636272101?t=0w9WduW8DiinET6vWmZvXg&s=09
#ئەردۆگان
#باشووری_کوردستان
#تورکیا
#عێراق
#کەرکوک
بینێرە لە ڕێگەی