تاک
گۆڤاری ( THE NATIONAL
INTEREST)ی ئەمریكی لە راپۆرتێکیدا بڵاوی کردووەتەوە:
"لەدیدی ئەنقەرەو تارانەوە، دەبێت هەرێمی
كوردستان وا لێ بكەن سەر بە خۆیان بێت یان لاواز بێت".
"هێرشەكانی ئەم دواییە بۆ سەر كوردستان،
ئاماژە بۆ هەڵدانەوەی لاپەڕەیەكی نوێ دەكات لەپەیوەندییەكانیان و ئەگەری بوونی رێككەوتنێكی
نهێنی نوێ بۆ هاوكاری و هەڵوەشاندنەوەی دەسەڵاتی خۆبەڕێوەبەری كورد لە عێراق".
"گرنگە پێشهاتە سیاسییەكانی ئەم دواییە
لەبەرچاو بگیرێن بۆ تێگەیشتن لە هۆكاری چڕكردنەوەی هێرشەكانی توركیا بە فڕۆکەی بێفڕۆکەوان
لە ناوچەی سلێمانی و نزیك لە سنووری ئێران بە دیاریكراوی".
"لە مانگی نیسانی (2023)دا، ئەنقەرە فڕۆکەخانەی
سلێمانی نێودەوڵەتی كردە ئامانج، كە ئەمە هێرشێكی بێ وێنە بوو، هێرشەكانی ئەم دواییەش
ئەو ناوچانەی كردووەتە ئامانج، كە شوێنی نیشتەجێبونی چڕی دانیشتوانە".
"لە سەرەتای دروستبوونییەوە كوردستانی عێراق
لە ڕووی سیاسییەوە دابەش بووە لە نێوان دوو حزبی دەسەڵاتداری ركابەری یەكدا، لەپێناو
پاراستنی پەرژوەندییە تایبەتەكانیان، بە تایبەت لە جەنگی ناوخۆی ساڵی (1994-1998)".
"لە ئەنجامی ئەو جەنگە، ئەنقەرە و تاران
كاریگەرییەكی گەوەیان هەیە بە سەر سیاسەتی كوردی عێراقەوە".
"لەگەڵ ئەوەی توركیا و ئێران نەیاری یەكن،
بەڵام هەرگیز كێبڕكێی نێوان نەگەیشتووەتە ململانێی راستەوخۆ، لەبری ئەوە هەردوو وڵات
لەڕێی هێزی كرێگرتەوە شەڕی یەكیان كردووە".
"زیادبوونی هێرشەكانی ئەنقەرە لەناوچەی
هەژموونی تاران، شاهیدی ئەو راستییە كە كێبڕكێی هەرێمی لە نێوان توركیا و ئێران
لاواز بووە، لەگەڵ پەرەسەندنی پەیوەندییە ئابوورییەكانیان".
"پێداویستی زۆری ئەنقەرە بە نەوت و گازی
سروشتی ئێران، بزوێنەرێكی گرنگە بۆ هاوكاری توركیا و ئێران لەم دەیەیەی دواییدا".
"بە هۆی پشت بەستنی بە وزەی ئێران، بە
تایبەتی گاز، ئەنقەرە هەوڵی نواندنی نەرمی دەدات لە سیاسەتەكانی بەرامبەر بە ئێران".
"ئەنقەرە بەرژەوەندییەكی جددی هەیە لەوەی
رێگە لە تێكچوونی پەیوەندییەكانی بگرێت لەگەڵ ئێران و رێوشوێنێك بگرێتەبەر كە
پاساو بدات بە تاران بۆ ئەوەی هاوكارییەكانی بۆ پارتی كرێكاران زیاد بكات".
"هێرشەكانی ئێران بۆ ناو قووڵایی هەولێر
بەشێوەیەكی مەترسیدار پەرەی سەندووە، قورسە بڕوا بەوە بكرێت كە ئەم دوو هێزە هەرێمایەتییە
دەستوردان دەكەن بە شێوەیەكی ئاشكرا لەناوچەیەكی كێشە لەسەری وەك كوردستانی عێراق،
بەبێ هیچ جۆرە رێككەوتنێك".
"لە خۆرهەڵاتی ناوەڕاستی دابەشبوودا، یەك
شت هەیە كە زۆرینەی وڵاتە ركابەرەكانی ناوچەكە لەسەری كۆكون، ئەویش ئەوەیە
كوردستانی سەربەخۆ بیرۆكەیەكی خراپە."
"لە ئێستادا ئەنقەرە و تاران گەیشتووەنەتە
ئەو بڕوایەی دروستكردنی هەر ناوچەیەكی خۆ بەڕێوەبەری كوردی لە هەر ناوچەیەكی جیهان،
بە تایبەت لەناوچەیەكی تایبەتی وەك عێراق، دەبێتە هۆی هاندانی جوڵانەوە كوردییەكان
لەهەموو ناوچەكان، بۆیە ئەو دوو وڵاتە پێیان وایە لێكەوتەكانی دروستبوونی دەوڵەتێكی
كوردی لە عێراق، قابیلی قبووڵكردن نییە".
سەرچاوە
https://drawmedia.net/page_detail?smart-id=13721
#ئێران
#باشووری_کوردستان
#ئەمەریکا
#تورکیا
#ئابووری
#عێراق
بینێرە لە ڕێگەی