نووسینی: مجاهد الطائي
وەرگێڕانی: تاک
پەیمانگای
واشنتۆن لە ڕاپۆرتێکیدا ئاماژە بە ململانێکانی چوارچێوەی هەماهەنگی لە پارێزگای
دیالە دەکات و نووسیویەتی:
1. ئایا پارێزگای دیالە تەنها ناوچەیە کە
سیاسییەکانی میلیشیا سەرەکییەکانی سەر بە چوارچێوەی هەماهەنگی ململانێی لەسەر
دەکەن، بە شێوەیەک کە خەزعەلی لەخۆبایی هەوڵ دەدات ڕکابەری هەر دوو شێخەکەی واتا
(عامری و فەییاز) بکات لە پارێزگا خێڵەکییەکانیاندا.
2. ڕکابەری نێوان سەرکردەی میلیشیاکان
ڕەنگدانەوەی پێویستی توندی چوارچێوەی هەماهەنگییە -کە شیعە تێیدا زاڵە- بە
پشتگوێخستنی ململانێ ناوخۆییەکان وەک خۆئامادەکردنێک بۆ ڕووبەڕووبوونەوەی سوننە و
کورد و ڕەوتی صەدر.
3. ئەوەی بەدەرە لەم یاسایە، پارێزگای
دیالەیە، ئەو شوێنەی کە خەزعەلی ڕووبەڕووی هادی عامری و فالح فەییاز دەبێتەوە لەو
پارێزگایەی کە ئەوەی تێدا باڵادەستە ڕێگەکانی قاچاخ و بازرگانی و حەجە لە باکووری
ئێرانەوە.
4. ئەمە ئەوە دەگەیەنێت کە هەر دوو باڵەکەی
بەدر / فەییاز و عەسائیبی ئەهلی حەق (عصائب اهل الحق) لە قەوارەی (نبنی) بڕیار
وایە بە شێوەی جیا لە یەک ڕکابەری بکەن بۆ بەدەستهێنانی کورسییەکانی پارێزگاکە.
5. لەم دواییانەدا، لیستێکی لاوەکی دروستکرا
بە سەرۆکایەتی عەسائیبی ئەهلی حەق لە چوارچێوەی لیستی هاوپەیمانی (نبنی)، ئەم
قەوارە نوێیە کە ناسراوە بە (تحالف الصفوة الوطنی) ئەم لایەنانە لە خۆ دەگرێت:
أ. مونتەسیرون (المنتصرون): جوڵانەوەی
سیاسی کەتیبەکانی سەیدولشوهەدا (کتائب سید الشهداء).
ب. (الصدق و العطاء)، بە سەرۆکایەتی
ئەحمەد ئەسەدی (أحمد الاسدی) وەزیری کار و کاروباری ناوخۆی عێراق و فەرماندەی
کەتیبەکانی جوندولئیمام (جند الامام) لیوای شەشی هێزەکانی حەشدی شەعبی.
ج. جوڵانەوەی ئیرادە (حرکة الارادة)، بە
سەرۆکایەتی حەنان فەتلاوی ئەندامی ئەنجومەنی نوێنەران. پێشتر فەتلاوی و
جووڵانەوەکەی بەشێک بوون لە هاوپەیمانی دەوڵەتی یاسا کە لە لایەن نوری مالیکی-یەوە
ڕابەرایەتی دەکرا، بەڵام دواتر دەرکرا لەبەر ئەوەی ئامادە نەبوو گوێ لە بڕیارەکانی
مالیکی بگرێت دوای کاندید کردنی عەبدولڕەشید لەتیف بۆ سەرۆکایەتی کۆمار.
6. ئەم قەوارە لاوەکییە ڕکابەری بەدر و فەییاز
دەکات لە هاوپەیمانی (نبنی) لە دیالە ئەمەش لە پارێزگاکانی دیکەدا بەدی نەکراوە،
مەرج نییە ئەو هێزانە ڕۆڵێکی چالاک بگێڕن لە ڕکابەری بۆ بەدەستهێنانی کورسییەکانی
دیالە، بەڵام سەرجەمیان هاوپەیمانیان دروست کردووە لەگەڵ باڵەکەی خەزعەلی، ئەمەش
بە مانای ئەوە دێت کە زیاتر نزیکن لە سەرکردایەتییەکەی تا ڕێکخراوی بەدر.
7. ئەوەی دەمێنێتەوە لە هاوپەیمانی (نبنی)
بەشێک نییە لە قەوارە لاوەکییەکەی (خەزعەلی) و بەو شێوەیە ئەوان بە شێوەیەکی
ناڕاستەوخۆ ڕازین بە سەرکردایەتی کردنی بەدر، ئەم سەربازگەیەش ئەم لایەنانە لە خۆ
دەگرێت:
أ. جوڵانەوەی (العطاء) بە سەرۆکایەتی
فەییاز کە نوێنەرایەتی بەرژەوەندییە خێڵەکییە بەهێزەکانی دیالە دەکات هاوشێوەی
عامری.
ب. جوڵانەوەی (الجهاد و البناء) لەلایەن
(اسمیا جواد الساعدی) سەرۆکایەتی دەکرێت، کەسی دیاری ئەم گرووپە (حسن الساری)یە،
کە یەکەکانی (جهاد/ لیوای 17ی سەر بە هێزەکانی حەشدی شەعبی) ڕابەرایەتی دەکات،
ناوبراو شارەزایەکی لۆجستی بووە و لە ژێر فەرماندەیی هێزەکانی سوپای قودسدا کاری
کردووە و هاوکاری زۆری پێشکەش کردووە بۆ هێرشکردنە سەر هێزەکانی ئەمریکا لە عێراق.
ج. قەوارەی ئابووری نیشتمان (اقتصاد وطن)
لە لایەن عەبدولحسێن عەبتان (عبدالحسین عبطان)ەوە سەرۆکایەتی دەکرێت، پێشتر وەزیری
لاوان و وەرزش بووە و بەربژێر بووە بۆ پۆستی سەرۆک وەزیران. ئەندامی پێشووی
ئەنجومەنی باڵا (المجلس الأعلی)بووە و دواتر بووە بە ئەندام لە ڕەوتی حیکمە (تیار
الحکمة) بە سەرۆکایەتی حەکیم (الحکیم).
د. جوڵانەوەی ئیسلامی لە عێراق (الحرکة
الإسلامیة فی العراق)، ئەم گرووپە بەشێکە لە گردبوونەوەی (سند) و لەلایەن ئەحمەد
ئەسەدی (أحمد الأسدی) سەرۆکایەتی دەکرێت، ئەمەش بەو مانایەیە کە ئەسەدی پێیەکی لە
هەر دوو دیوی هاوپەیمانی (نبنی) هەیە.
8. لە ڕابردوودا، هاوپەیمانی فەتح ڕووپۆشێکی
فەراهەم کردبوو کە تێیدا عەسائیبی ئەهلی حەق ئامادەیی خۆی دەربڕیبوو کە پەرە بە
هێزەکانی خۆی بدات لەژێر فەرماندەیی ڕێکخراوی بەدر. لە هەڵبژاردنەکانی ساڵی 2021دا
عەسائیبی ئەهلی حەق هیوای وابوو بتوانێت سەربکەوێت بەسەر ڕێکخراوی بەدر-دا، بەڵام
شکستی هێنا. ڕەنگە ئێستا جارێکی تر عەسائیب هەمان هەوڵ دووبارە بکاتەوە و ئەمەش
ڕەنگدانەوەی بەهێزبوونی زیاتری قەیس خەزعەلییە.
9. ڕووبەڕووبوونەوەی عامری و فەییاز لە لایەن
خەزعەلییەوە لە جێ نزرگەی خۆیان ڕەنگە ئاماژە بێت بۆ باوەڕ بە خۆبوونی زۆری خەزعەلی
بە خۆی، بەڵام ئەوە تەنها کاتە کە ئەوە دەسەلمێنێت.
سەرچاوە
https://twitter.com/mujahed_altaee/status/1702771586149793802?s=48&t=dVLetPKCO3O8JXa_XjZiTA
#عێراق
بینێرە لە ڕێگەی