تاك
سێ ئەندامی لیژنەی
پەیوەندییەكانی دەرەوەی كۆنگرێس مایكڵ وەڵتز، مایكڵ مەككۆڵ و جۆو ویڵسن لە
نامەیەكدا، كە لەلایەن ڕۆیتەرزەوە بینراوە، داوا لە بایدن دەكەن هاوكاری كوردستانی
"لە ڕووی ئابورییەوە خنكێنراو" بكات و هاوكار بێت بۆ ئەوەی جارێكی تر
كوردستان لە ڕێگەی توركیاوە نەوتەكەی بفرۆشێتەوە.
بە بڕوای ئەم سێ ئەندامەی
لیژنەی پەیوەندییەكانی دەرەوەی كۆنگرێس، بۆ ئەوەی نەوتەكە دووبارە هەناردە
بكرێتەوە و كێشەكان چارەسەر ببێت ئەمەریكا پێویستی بە "ستراتیژێكی نوێ"
هەیە لە عێراق.
نەوتەكەی هەرێمی كوردستان
نزیكەی (0.5)ی نەوتی جیهانی دابین دەكرد و داخستنی بۆری نەوتی نێوان هەرێمی
كوردستان و توركیا لە مانگی ئازاردا، بەپێی دوو شارەزای ئاگادار، نزیكەی 4 بلیۆن
دۆلار زیانی بە هەرێمی كوردستان گەیاندووە.
بەهۆی كەمكردنەوەی بڕی نەوتی
هەناردەكراو لەلایەن (ئۆپێك) و گرانبوونی نرخی نەوت لە بازاڕەكانی جیهاندا،
دووبارە هەناردەكردنەوەی نەوتەكەی كوردستان لە بەرژەوەندی ئەمەریكا و جیهاندایە.
لە نامەكەدا ئەو بۆ بایدن
ڕوونكراوەتەوە كە ڕاگرتنی هەناردەكردنی نەوتەكەی هەرێمی كوردستان هەرێمەكەی لە
ڕووی ئابورییەوە لاواز كردووە و خەریكە دەیخنكێنێت و كوردستانی بێبەش كردووە لە
گرنگترین ئەو داهاتانەی كە دەستی دەكەوت.
سێ ئەندامەكەی لیژنەی
پەیوەندییەكانی دەرەوەی كۆنگرێس لەو نامەیەی كە بۆ بایدنیان ناردووە ئەوە بە بیر
ناوبراو دەهێننەوە كە هەرێمی كوردستان هاوبەشێكی متمانەپێكراوی ئەمەریكایە لە
ڕۆژهەڵاتی ناوەڕاست و لە جەنگی داعشدا بەشێوەیەكی كارا بەشداری كردووە.
ئەو سێ ئەندامەی كۆنگرێس بۆ
ئامادەكردنی نامەكەیان سوودیان لەو نامەیە وەرگرتووە كە سەرەتای ئەم مانگە مەسرور
بارزانی بۆ بایدنی ناردووە و هەندێك لەو دەربڕینانەیان بەكارهێناوە كە لە لە
نامەكەی مەسرور بارزانیدا بوونی هەیە و هۆشداری لە داڕووخانی هەرێم دەدەن.
لە نامەكەدا هاتووە كە
حكومەتی هەرێمی كوردستان "لە ڕووی ئابورییەوە خنكێنراوە و لە ڕووی سیاسی و
یاسایشیەوە لە ژێر فشاردایە... و ئێران و ئەو لایەنانەی كە نزیكن لێوەی لە ڕووی
سەربازییەوە هەڕەشەی لێدەكەن".
كاتی ناردنی نامەكەی
ئەندامانی لیژنەی پەیوەندییەكانی دەرەوەی كۆنگرێس بۆ سەرۆكی ئەمەریكا هاوكات بوو
لەگەڵ بوونی سەرۆك وەزیرانی عێراق مەحەممەد شیاع سوودانی لە نیویۆرك و هانی بایدن
دەدەن ئەم بابەتە لەگەڵ سەرۆك وەزیرانی عێراقدا بوروژێنێت.
سەرچاوە
https://www.reuters.com/world/middle-east/us-lawmakers-urge-biden-support-economically-strangled-kurdistan-2023-09-19/
#ئابووری
#ئەمەریکا
#باشووری_کوردستان
#عێراق
بینێرە لە ڕێگەی