تاك
سەلاحەدین محەممەد بەهادین ئەمینداری گشتیی
یەكگرتووی ئیسلامیی كوردستان، لە كۆبوونەوەی لەگەڵ ئەندامانی شورای گشتیی دەڤەری
سلێمانی حزبەكەی، ڕۆژی (23/9/2023) ڕایگەیاند "هەڵەی كاربەدەستان بارودۆخی هەرێمی
كوردستانی بەم ڕۆژە گەیاند، بەهۆی وەلانانی بەرژەوەندییە گشتییەكان و گرنگیدان بە بەرژەوەندی
شەخسی و حزبی، بارودۆخی عێراق و هەرێم و ناوچەكە ڕوو لەخراپ بوونە و ناكۆكییەكانی نێوان
هەرێم و بەغداش كاریگەری خراپی لەسەر ژیان و بژێوی هاووڵاتییان دروست كردووە".
ئەمینداری گشتیی یەكگرتوو وتیشی "ناكۆكی و ناتەبایی
نێوماڵی كورد هۆكاری سەرەكی خراپبوونی بارودۆخی هەرێمە، ئەمە لە ڕابردووش وا بووە،
بەداخەوە حزبە حوكمڕانەكان پەندیان لێ وەرنەگرتووە".
سەرچاوە
سایتی كوردیو
https://www.kurdiu.org/ku/b/541299
#باشووری_کوردستان
#یەکگرتوو
بینێرە لە ڕێگەی