تاک
چالاکییەکانى ئێران لە سوریا
- لە 22 ئەیلول کۆمارى چین و سوریا چەندین ڕێککەوتنیان
لە بوارەکانى گەشەپێدان و تەکنەلۆجیادا ئەنجام داوە کە ڕکابەرى گرێبەستەکانى
ئاوەدانکردنەوەى ئێران و سوریایە کە لە مانگى ئایار ڕێککەوتنى لەسەر کرا.
بەشار ئەسد سەرۆکى سوریا و شی جینگ بینگ سەرۆکى چین
ئاستى پەیوەندییە دوو قۆڵییەکانیان بۆ ئاستى "هاوبەشی ستراتیژی" بەرز
کردووەتەوە. جێگەى ئاماژە پێدانە کە سوریا ئەندامە لە پڕۆژەى پشتێنە و ڕێگاى چین و
لە لایەکى دیکەشەوە چین ئامادەی دەربڕیوە بۆ دووبارە ئاوەدانکردنەوەى سوریا.
چین بەراورد بە ئێران خاوەن سەرچاوەى ئابوورى گەورەترە
بۆ پشتیوانیکردنى پڕۆژەکانى دووبارە ئاوەدانکردنەوە لە سوریا، هەڵبەت تا ئێستا چین
دیارى نەکردووە کە پشتیوانى لە چ پرۆژەیەک دەکات و بڕى ئەو پارەیەش کە دابینی
دەکات چەندە.
- دامەزراندنى "هاوبەشی ستراتیژی" لەگەڵ سوریا بە کارێکى
باو ئەژمار دەکرێت لە سیاسەتى دەرەوەى کۆمارى چین، کۆمارى چین هاوبەشی ستراتیژی
هەیە لەگەڵ زیاتر لە 100 وڵات، چین لەبرى پەیماننامە دوو قۆڵییەکان،
پەیوەندییەکانى بەکاردەهێنێت بۆ ڕێکخستنى پەیوەندییە سیاسی و ئابوورییە دوو
قۆڵییەکان. چین لەگەڵ زۆرینەى وڵاتانى خۆرهەڵاتى ناوەڕاست "هاوبەشی
ستراتیژی" هەیە، تەنانەت لەگەڵ فەڵەستین-دا.
- ئێران و سوریا لە ئایارى 2023 یادداشتنامەى لێکتێگەیشتنیان واژۆ کردووە
لە بوارەکانى نەوت، وزە، گواستنەوە، ئاوەدانکردنەوە، تەکنەلۆژیا و پەیوەندییەکان،
ئێران زۆر لاى مەبەستە کە بەشێوەیەکى تایبەت کار لەسەر پەرەپێدانى هێڵى گواستنەوەى
شەمەندەفەر بکات لە ڕێگە عێراق و سوریاوە بەرەو دەریای سپی ناوەڕاست.
- ڕژێمى سوریا بەردەوامە لەسەر پشتبەستن بە ئێران و ڕوسیا بۆ
بەدەستهێنانى پشتیوانى سەربازى. سەرۆکى چین و سەرۆکى سوریا هیچ جۆرە ڕێککەوتنێکى
سەربازییان ئەنجام نەداوە، بەرپرسی سەربازی سوریاش بۆ سەردانەکەى چین هاوڕێیەتى
ئەسەدیان نەکردووە.
- ئێران لە 21 ئەیلول و لە کاتى ئەنجامدانى مانۆڕێکى سەربازى
هاوبەش لە نێوان ئێران و سوریا، دووبارە جەخت لە پابەندبوونە سەربازییەکانى
دەکاتەوە بەرامبەر بە سوریا بە سەرکردایەتى فەرماندەى هێزەکانى قودس، ڕوسیاش
سەربارى دەرگیربوونى بە شەڕى ئۆکرانیاوە، بەڵام هێشتا چالاکە لە سوریا و لە ڕووى
هێزى ئاسمانییەوە پشتیوانییەکى یەکلاکەرەوەى سوریا دەکات دژ بە یاخییەکان لە
پارێزگاى ئیدلب.
- لە 25 ئەیلول هێرشی فڕۆکەیەکى بێفڕۆکەوان، بووە هۆى ڕووخاندنى
پردێک لە نزیک شارى مەیادین و چەندین کوژراوى لێکەوتەوە لەناو ئەو هۆزانەى کە
نزیکن لە ئێرانەوە لەناوچەکانى ژێر دەسەڵاتى هێزەکانى سوریاى دیموکرات لە
ڕۆژهەڵاتى سوریا. ئەو پردە لەلایەن هۆزەکانەوە بەکاردەهێنرا بۆ پەڕینەوەى چەکدار و
پشتیوانى کردنى شەڕى ئەو هۆزانەى کە دژ بە هێزەکانى سوریاى دیموکرات دەجەنگان. بەپێى
زانیارى پەیمانگاى لێکۆڵینەوەکانى جەنگ، هێزەکانى قودسی سەر بە سوپاى پاسداران
لەناو هۆزەکانى سوریا هێزى چەکدار دروست دەکات بە مەبەستى بەهێزکردنیان لە دژى
هێزەکانى سوریاى دیموکرات. ئیران کار لەسەر دروستکردنى هێزى چەکدار دەکات لەناو
هۆزەکاندا بە مەبەستى دەرکردنى هێزەکانى ئەمریکا لە سوریا.
سەرچاوە
https://www.criticalthreats.org/analysis/iran-update-september-25-2023
#ئێران
بینێرە لە ڕێگەی