تاک
مافناس و پارێزەرانی
ڕۆژئاوای كوردستان داوای سزادانی توركیا دەكەن
پارێزەر و مافناسانی
ڕۆژئاوای كوردستان پێیانوایە ئەوەی توركیا لە باكووری ڕۆژهەڵاتی سوریا كردوویەتی
"تاوانی جەنگ"ە و دەبێت لەسەری سزا بدرێت.
داوا لە كۆمەڵگەی نێودەوڵەتی
دەكەن كە پێشێلكارییەكانی توركیا ڕابگرێت و سزا بەسەر توركیادا بسەپێنێت.[1]
مقاوەمەی ئیسلامی عێراقی:
هێزەكانی ئەمەریكامان لە باكووری ڕۆژهەڵاتی سوریا بە ئامانج گرتووە
مقاوەمەی ئیسلامی عێراق لە
ڕاگەیەنراوێكدا ڕایدەگەیەنێت، كە هێزە ئەمەریكییەكانیان لە فڕۆكەخانەی ئەبو حەجەر
بە ئامانج گرتووە.
بەپێی ڕاگەیانراوەكە بێت لە
هێرشەكەدا مووشەك بەكارهێنراوە و مووشەكەكان "ڕاستەوخۆ ئامانجەكانیان
پێكاوە".[2]
پنتاگۆن: هێزەكانمان لە
سوریا و عێراق لە هەفتەیەكدا سیانزە جار هێرشیان كراوەتەسەر
وتەبێژی پنتاگۆن جەنراڵ پات
ڕایدەر ڕایگەیاند، كە هێزە ئەمەریكییەكان لە سوریا و عێراق لە ماوەی هەفتەیەكدا بە
لای كەمەوە 13 جار هێرشیان كراوەتەسەر.
بەپێی وتەكانی ڕایدەر بێت،
هێرشەكان لە ڕێگەی درۆنی خۆكوژی و مووشەكەوە بووە و ناوبراو هێزە لەبرییەكانی
ئێرانی بە ئەنجامدانی هێرشەكان تۆمەتبار كرد. بەشێك لە هۆكاری زیادبوونی هێرشەكان
لە دژی هێزەكانی ئەمەریكا لەو دوو وڵاتەدا بۆ پاڵپشتییە بێ مەرجەكانی ئەمەریكا لە
ئیسرائیل دەگێڕنەوە.[3]
بیست سەربازی ئەمەریكی لە
سوریا بریندار دەبن
سوپای ئەمەریكا بە (NBC News)
راگەیاندووە، كە (18/10/2023) بەهۆی هێرشە درۆنییەكانەوە بیست سەربازی ئەمەریكی لە
سوریا بریندار بوون.
دوو درۆنی خۆكوژی بنكەی
سەربازی ئەمەریكییەكانی لە تەنەف بە ئامانج گرتووە و سوپای ئەمەریكا توانیوێتی
یەكێك لە درۆنەكان بخاتە خوارەوە. بەپێی وتەكەی فەرماندەیی ناوەندی ئەمەریكا بێت،
هەموو بریندارەكان بەهۆی سووكی برینەكەیانەوە گەڕاونەتەوە سەر كارەكانی پێشووتریان.[4]
سوپای ئەمەریكا لە سوریا چواردەوری
بنكە سەربازییەكانی مینڕێژ دەكات
سوپای ئەمەریكا پێگەكانی لە
سوریا بەهێز دەكات و باس لەوە دەكرێت كە ئەمەریكییەكان، بە مەبەستی خۆپارێزی لەو
هێرشانەی كە ڕەنگە لە ئایندەدا بكرێتە سەریان، سەرقاڵی هێنانی پاڵپشتی زیاترن بۆ
هێزەكانیان لە سوریا.
وەك بەشێك لە خۆپارێزی،
سوپای ئەمەریكا سەرقاڵی مینڕێژكردنی دەوروبەری بنكە سەربازییەكانیەتی لە سوریا.[5]
فڕۆكە ئیسرائیلییەكان هەشت
سەربازی سوری دەكوژن
میدیا فەرمییەكانی حكومەتی
سوریا 25/10/2023 بڵاویان کردووەتەوە، کە فڕۆكە جەنگییەكانی ئیسرائیل باشووری
سوریایان بۆدوومان كردووە و لە بۆردوومانەكەدا بە لای كەمەوە هەشت سەرباز گیانیان
لەدەست داوە.
سەرەڕای كوژرانی ئەم هەشت
سەربازە، لە هێرشەكەدا حەوت سەربازی تر برینداربوون. ڕوانگەی سوری بۆ مافەكانی
مرۆڤ دەڵێت ژمارەی كوژراوەكانی سوپای سوریا گەیشتووەتە 11 سەرباز.
سوپای ئیسرائیل هێرشەكەی
پشتراست كردەوە و ڕایگەیاند، كە هێرشەكە وەڵامدانەوەیەك بووە بۆ ئەو هێرشە
موشەكییانەی كە سێشەمە (24/ 10/ 2023) لە سوریاوە كراوەتە سەر خاكی ئیسرائیل.
سوپای ئیسرائیل دەڵێت كە "فڕۆكە جەنگییەكانیان ژێرخانێكی سەربازی و
هاوەنەكانی سوپای سوریایان كردووەتە ئامانج و هێرشەكە وەڵامێك بووە بۆ ئەو مووشەكانەی
لە سوریاوە ئاڕاستەی ئیسرائیل كراون".[6]
ئیسرائیل لە بڵاوكراوەیەكدا
هەڕەشە لە سوپای سوریا دەكات
فڕۆكە ئیسرائیلییەكان
بڵاوكراوەی كاغەزییان لە باشووری سوریا بەرداوەتەوە و لە بڵاوكراوەكاندا سوپای
ئیسرایل بە زمانی عەرەبی هەڕەشە لە سوپای سوریا دەكات.
لە بڵاوكراوەكەدا هاتووە كە
"سەركردایەتی سوپای سوریا بە تایبەتی سەركردەی لیوای 112 بەرپرسیارن لە هەموو
ئەو كردەوە تێكدەرانەی كە لە سوریاوە ئاڕاستەی ئیسرائیل دەكرێت".
سوپای ئیسرائیل لە كۆتایی
بڵاوكراوەكەدا دەڵێت كە "بەدەستێكی ئاسنینەوە" ڕووبەڕووی هەموو ئەو
كەسانە دەبێتەوە كە لە سوریاوە ئاسایشی ئیسرائیل دەكەنە ئامانج.[7]
[1] https://www.syriahr.com/
[2] https://www.elnashra.com/news/show/1642589
[3] https://www.rudaw.net/english/middleeast/241020231
[4] https://www.nbcnews.com/politics/national-security/drone-attacks-american-bases-injured-two-dozen-us-military-personnel-rcna121961
[5] https://sputnikarabic.ae/20231023
[6] https://www.aljazeera.com/news/2023/10/25/israel-air-raids-kill-eight-soldiers-in-southern-syria-report
[7] https://baladi-news.com/ar/articles/98353
#سوریا
بینێرە لە ڕێگەی