تاک

فەڕەنسا بڕیاری دەستگیركردنی سەرۆكی سوریا بەشار ئەسەد دەردەكات
دەسەڵاتی دادوەری فەڕەنسا ڕۆژی چوار شەممە (15/ 11/ 2023) بڕیاری دەستگیركردنی سەرۆكی سوریا بەشار ئەسەدی، كە تۆمەتبارە بە بەشداریكردن لە تاوانەكانی دژی مرۆڤایەتی و بەكارهێنانی چەكی كیمیاوی لە 2013، دەركرد.
لقێكی دادگای پاریس كە تایبەتە (تاوانەكانی دژی مرۆڤایەتی) لە ساڵی 2021ەوە سەرقاڵی لێكۆڵینەوەیە لەو هێرشە كیمیاوییانەی كە بەشار ئەسەد بە بەشداریكردن لە ئەنجامدانی تۆمەتبار كرا.[1]

دیمەشق ڕەزامەندی لەسەر درێژكردنەوەی ناردنی هاوكاری لەلایەن نەتەوە یەكگرتووەكانەوە بۆ باكووری ڕۆژئاوای سوریا دەربڕی
حكومەتی سوریا جارێكی تر ڕازی بوو نەتەوە یەكگرتووەكان هاوكارییەكانی لە ڕێگەی توركیاوە بۆ ماوەی سێ مانگی تر بگەیەنێت ئەو ناوچانەی كە لەلایەن ئۆپۆزسیۆنەوە كۆنترۆڵ كراوە.
بەبۆچوونی نەتەوە یەكگرتووەكان خاڵە سنورییەكان "شادەماری ژیانی" ئەو هاوڵاتییە سورییانەیە كە لە ناوچەكانی باكوری ڕۆژئاوای ئەو وڵاتە نیشتەجێن".
ئەمە سێیەم جارە لە دوای بومەلەرزەكەی ئەو وڵاتەوە سوریا ڕەزامەند دەبێت كە نەتەوە یەكگرتووەكان هاوكارییەكان بگەیەنێتە ناوچەكانی ژێر كۆنترۆڵی ئۆپۆزسیۆن.[2]

پنتاگۆن: 28 جار لە سوریا هێرش كراوەتە سەر هێزەكانمان لە سوریا
وەزارەتی بەرگری ئەمەریكا (پنتاگۆن) ڕایگەیان كە لە ماوەی مانگی ڕابردوودا 28 جار لە سوریا هێرش كراوەتە سەر هێزەكانیان لە سوریا.
بەپێی ڕاگەیانراوەكەی پنتاگۆن بێت، بەهۆی ئەم هێرشانەوە بەشێك لە سەربازەكانیان بریندار بوونە و زۆربەی زۆری بریندارەكانیان، بەهۆی سوكی برینەكانیانەوە، گەڕاونەتەوە سەر كارەكانی خۆیان.
ئەمەریكا بە بەردەوامی هێزە لە برییەكانی ئێران لە سوریا ئە ئەنجامدانی ئەم هێرشانە تۆمەتبار دەكات.[3]

هێرشەكانی ئەمەریكا لە سوریا 7 كەس دەكوژێت
بەرپرسێكی ئەمەریكی، بە مەرجی بڵاونەكردنەوەی ناوەكەی، بە ڕۆیتەرزی وتووە كە هێرشەكەی ئەمەریكا، كە ڕۆژی یەك شەممە (12/ 11/ 2023) ئەنجامی دا، نزیكەی حەوت كەسی كوشتووە.
ئەم كوژراوانە لە كاتی هێرشەكەی ئەمەریكادا لە نێو سەربازگەیەكی ڕاهێناندا بوونە لە نزیك شاری بوكەمال لە سەر سنوری نێوان سوریا و عێراق.
سوپای ئەمەریكا دەڵێت كە لە نیو كوژراوەكاندا ژن و منداڵ بوونی نییە.[4]

ڕۆژئاوای كوردستان ڕووبەڕووی بەبیابانبوون دەبێتەوە
گۆڕانی كەش و هەوا كاریگەری لەسەر ڕۆژئاوای كوردستان هەبووە و ئەو بەشەی كوردستان كە لەلایەن كورد خۆیەوە بەڕێوە دەبرێت بەهۆی زیادبوونی گەرمبوونی زەوییەوە ڕووبەڕووی بەبیابانبوون بووەتەوە.
پلەی گەرمی ئەم ناوچەیە لە هاوینی ڕابردوودا گەیشتە 50 پلەی سەدی و ئەم پلەیە بەراورد بە ساڵانی ڕابردوو 10 پلە بەرزترە.
گۆڕانی كەش و هەوا بە تەنها هۆكاری بەبیابانبوونی ناوچەكانی ڕۆژئاوای كوردستان نییە، بەڵكو كەمبوونەوەی ئاوی ڕووباری فورات، كە لە توركیاوە دێت، هۆكارێكی تری ئەم دیاردەیەیە.
ماوەی 10 ساڵە توركیا بەبیانووی جیاجیا ئاوی پێویست بەرناداتەوە و بەم هۆیەوە ناوچەكە تووشی كەم ئاوی بووە و ئەم كەم ئاوییەش بووەتە هۆی كەمبوونەوەی خۆراك لە ناوچە كوردییەكانی سوریا.[5]

فڕۆكە جەنگییەكانی ڕوسیا هێرش دەكەنە سەر ئیدلب
فڕۆكە جەنگییەكانی ڕوسیا هێرش دەكەنەسەر چەكدارەكانی ئۆپۆزسیۆن لە ئیدلب و بەم هۆیەشەوە 34 چەكدار دەكوژرێت.
ڕوسیا لای خۆیەوە هێرشەكەی پشتڕاس كردەوە و ڕایگەیاند، كە هێرشەكە لە دژی "گروپە تیرۆریستییەكان" ئەنجام دراوە.
ئەم هێرشانە دوای ئەوە هات كە چەكدارەكانی گروپەكانی ئۆپۆزسیۆنی سوری چەند جارێك هێزەكانی حكومەتی سوریایان لە ناوچەكە بە ئامانج گرتووە.[6]

داعش: دوو چەكداری هێزەكانی سورای دیموكراتمان ڕفاندووە
داعش ڕایگەیاند كە چەكدارەكانیان لە ڕەقە دوو چەكداری هێزەكانی سوریای دیموكراتیان ڕوفاندووە و پاشان ئەو چەكدارانەیان كوشتووە.
تا ئامادەكردنی ئەم نووسینە، هێزەكانی سوریای دیموكرات ئەم هەواڵەیان پشتڕاست نەكردووەتەوە.[7]




[1] https://www.france24.com/en/live-news/20231115-france-issues-arrest-warrant-for-syria-s-assad
[2] https://www.middleeastmonitor.com/20231115-assad-regime-approves-extension-of-un-aid-into-nw-syria/
[3] https://www.rudaw.net/english/middleeast/15112023
[4]https://www.reuters.com/world/middle-east/up-seven-killed-us-air-strikes-syria-us-official-2023-11-14/
[5] https://www.france24.com/en/tv-shows/focus/20231114-north-eastern-syria-suffers-from-lack-of-water-amid-desertification
[6] https://www.themoscowtimes.com/2023/11/13/russia-claims-killed-34-in-syrian-air-strikes-a83091
[7] https://npasyria.com/en/107600/