تاك
دادگای فیدراڵی: بڕیاری دوورخستنەوەی حەلبوسی
تانەی لێنادرێت
جاسم ئەلعومێری سەرۆكی دادگای فیدراڵی ڕایگەیاند:
بەپێی ماددەی 94 دەستوری عێراق, بڕیارەكەی دادگای فیدراڵی سەبارەت بە دورخستنەوەی
محەممەد حەلبوسی لە سەرۆكایەتی و ئەندامێتی ئەنجومەنی نوێنەران پابەندكەرە و تانەی
لێنادرێت.
ناوبراو وتیشی: دادگاكە بەپێی دەستور تایبەتمەندە
بەو بابەتانە و هاوشێوەكانی و لەسەر هەموانە پابەندبن بە بڕیارەكانییەوە[1].
عێراق و ئێران شاری پیشەسازی هاوبەش لەسەر سنوور
دروست دەكەن
ستار جابری بریكاری وەزیری بازرگانی عێراق ئاشكراي
كردووە شاندێكی ئێران هاتوونەتە عێراق و لەبارەی دروستكردنی شاری پیشەسازی و
ناوچەی ئازاد لە چەند شوێنێكی سنووری نێوان هەر دوو لا گفتوگۆی لەبارەوە كراوە.
جابری ئەوەشی ئاشكرا كردووە لەگەڵ شاندی ئێران
سەردانی چەند ناوچەیەكی سنووریان كردووە كە پێشنیاركراون بۆ دروستكردنی شاری
پیشەسازی و ناوچەی ئازاد[2].
ئەمەریكا سزا بەسەر كەتیبەكانی حزبوڵڵای عێراقدا
دەسەپێنێت
وەزارەتی گەنجینەی ئەمەریكا ڕۆژی (17/11/2023) لە
بەیاننامەیەكدا ڕایگەیاند سزای بەسەر كەتیبەكانی حزبوڵڵای عێراق و ژمارەیەك
سەركردەی ئەو حزبەدا سەپاندووە، بەپێی بەیاننامەكە كەتیبەكانی حزبوڵڵا هاوكاری لە
فەیلەقی قودس سەر بە سوپای پاسداران وەرگرتووە و لەپشت هێرشەكانی ئەم دواییەیە كە
كراونەتە سەر بنكەی هێزەكانی ئەمەریكا لە عێراق و سوریا.
لە بەیاننامەكەی وەزارەتی گەنجینەی ئەمەریكا ناوی
ژمارەیەك سەركردەی كەتیبەكانی حزبوڵڵا هاتووە كە سزاكان دەیانگرێتەوە، ئەوانیش:
عیماد ناجی بەهادلی، حەبیب حەسەن موغامس دەڕاجی، جەعفەر حوسەینی، خالید كازم جاسم
سكینی و باسم محەممەد حەسەب مەجیدی[3].
ئەمەریكا كەتیبەكانی سەیدولشوهەدا دەخاتە لیستی
تیرۆرەوە
وەزارەتی دەرەوەی ویلایەتە یەكگرتووەكانی ئەمەریكا
ڕۆژی (17/11/2023) لە بەیاننامەیەكدا كەتیبەكانی سەیدوشوهەدا و ئەمیندارەكەی هاشم
فنیان ڕەحیم سەراجی (ئەبوئالا وەلائی) خستە لیستی تیرۆرەوە.
لە بەشێكی بەیاننامەكەدا هاتووە "چالاكی
تیرۆریستی كەتیبەكانی سەیدوشوهەدا مەترسییە لەسەر ویلایەتە یەكگرتووەكانی ئەمەریكا
و هاوپەیمانی نێودەوڵەتی دژی داعش لە عێراق و سوریا"[4].
كەتیبەكانی سەیدولشوهەدا: سزاكانی ئەمەریكا كارمان
تێناكات
كازم فەرتوسی وتەبێژی كەتیبەكانی سەیدوشوهەدا لە
لێكدوانێكدا ڕایگەیاند: ماوە ماوە ئەمەریكا سزای ئەو لایەنانە دەدات كە بەدەوریەوە
نین، ئەمەش شتێكی نامۆ نییە، سزاكانی ئەمەریكا هیچ كاریگەرییەكیان لەسەر كەتیبەكانی
سەیدوشوهەدا نابێت، چونكە هیچ بەرژەوەندییەكی لەگەڵ ئەمەریكادا نییە، وەڵامی
تۆمەتەكانی ئەمەریكا نادەینەوە، ئەگەر ئەو شتێكی لەسەر ئێمە هەیە با لە ڕێگەی
حكومەتی عێراقەوە سكاڵای خۆی بكات و بەڵگەكانی بخاتەڕوو. پڕوپاگەندەكانی ئەمەریكا
هیچ بناغەیەكی نییە[5].
چوارچێوەی هەماهەنگی: پابەندین بە بڕیارەكەی
دادگای فیدراڵی
دوای بڕیاری دادگای فیدراڵی بە دورخستنەوەی
محەممەد حەلبوسی لە سەرۆكایەتی و ئەندامێتی ئەنجومەنی نوێنەران، چوارچێوەی
هەماهەنگی كە پێكهاتەی زۆرینەی لایەنە شیعەكانە كۆبوونەوەی خۆی كرد و دوای
كۆبوونەوەكەش سەركردەیەكی چوارچێوەكە ڕایگەیاند: بە كۆی دەنگ پابەندین بە
بڕیارەكەی دادگای فیدراڵێ و هەر دەستوەردانێك لە كاروباری دادگا و زیانگەیاندن بە بێلایەنبوونی
ڕەتدەكەینەوە، هەروەك چوارچێوەكە سوربوونی خۆی لەسەر ئەنجامدانی هەڵبژاردنی
ئەنجومەنی پارێزگاكان لەكاتی خۆیدا دووپاتكردەوە[6].
وڵاتێكی هەرێمی بۆ ئازادكردنی بارمتە
ئیسرائیلییەكە لە عێراق نێوەندگیری دەكات
بەپێی ڕاپۆرتێكی (ئەمواج میدیا) وڵاتێكی هەرێمی
نیوەندگیری كردووە بۆ ئازادكردنی (تسۆركۆف) توێژەری بە ڕەگەز ئیسرائیلی، تسۆركۆف
لە ئازاری 2023 لە عێراق ڕفێنرا، قوتابی دكتۆرایە و لە بنەڕەتدا ئیسرائیلیە و بە
پاسپۆرتی ڕووسی هاتبووە ناو عێراق، بەر لە چەند ڕۆژێك مقاوەمەی ئیسلامیی لە عێراق
ڤیدیۆیەكی ناوبراویان بڵاوكردەوە كە دەڵێت كاری بۆ ئیسرائیل و دەزگای هەواڵگری
ئەمەریكا كردووە[7].
چوارچێوەی هەماهەنگی دەیانەوێت هاوسەنگی لە نێوان
ئیران و ئەمەریكا ڕاگرن
هێزە شیعەكانی ناو پێكهاتەی چوارچێوەی هەماهەنگی
لە هەوڵدان لە ڕێگەی محەممەد شیاع سودانی سەرۆك وەزیران دانوستان لەگەڵ ئەمەریكا
بكەن، تا ئەمەریكا هێزەكانی لە عێراق پاشەكشەپێبكات و هیچ لێكەوتەیەكی نەرێنی
لەسەر عێراق نەبێت.
دوابەدوای هەڵایسانی شەڕی حەماس و ئیسرائیل
ژمارەیەك لە گرووپە چەكدارەكانی نزیك لە ئێران بانگەشەی دەركردنی هێزەكانی
ئەمەریكا لە عێراق دەكەن، هاوكات مقاوەمەی ئیسلامیی لە عێراق چەندین هێرشی كردوەتە
سەر بنكەی هێزەكانی ئەمەریكا لە عێراق، ئەمەش جۆرێك لە ئیحراجی بۆ حكومەتەكەی
سودانی دروستكردووە، ئەمەریكا چەندجار هۆشداری داوەتە عێراق هێرشی گرووپە
چەكدارەكان ڕاگرێت ئەگەرنا كاردانەوەی دەبێت[8].
عێراق دەبێتە ئەندامی بانكی ئەوروپی
وەزارەتی دەرەوەی عێراق ئاشكرای كرد ڕێوشوێنەكانی
بوونە ئەندام لە بانكی ئەورویی بۆ ئاوەدانكردنەوە و گەشەپێدان تەواو بوون، عێراق
بووە (74)ەمین ئەندامی بانكەكە، بەمەش دەتوانێت سوود لەو بانكە وەرگبرێت و قەرزی
لێوەربگرێت بۆ ئاوەدانكردنەوەی عێراق[9].
سەرۆك كۆمار لەگەڵ پاپای ڤاتیكان كۆبووەوە
ڕۆژی (18/11/2023) لە ڤاتیكان عەبدوللەتیف جەمال
ڕەشید سەرۆك كۆماری عێراق لەگەڵ پاپا فرەنسیس پاپای ڤاتیكان كۆبوویەوە، لە
كۆبوونەوەدا باسی دۆخی عێراق و گەڕانەوەی ئاوارەكان بە تایبەت مەسیحی و ئێزیدیەكان
كرا[10].
سەدر داوا لە هۆزەكان دەكات غەزە سەربخەن
موفتەدا سەدر رێبەری ڕەوتی سەدر ڕۆژی (19/11/2023)
لە بەیاننامەیەكدا داوای لە هۆزەكانی عێراق كرد كاربكەن بۆ سەرخستنی غەزە و
نووسیویەتی "هەروەك چۆن عێراقی خۆشەویست لەسەردەستی هۆزەكان لە شۆڕشی بیست
ئازادكرا، جێ پەنجەیان دیارە و بە تێپەربوونی ڕۆژگار بیرنەچوەتەوە، هیواخوازم هۆزە
خۆشەویستەكانمان دەنگ بڵند بكەن لەپێناو غەزە"[11].
كۆمپانیای گازی بەسرە ئاستی بەرهەمهێنانی چوار
هێندە بەرز كردەوە
كۆمپانیای گازی بەسرە ئاشكرای كرد توانای
بەرهەمهێنانی چوار هێندە بەرزكردوەتەوە، ئەمەش بەرزترین ئاستە لە ماوەی 10 ساڵی
ڕابردودا، لە ئێستادا ئاستی بەرهەمهێنانی گاز گەیشتووەتە 950 ملیۆن پێ سێجای
ڕۆژانە و گاز هەناردەی 11 وڵات دەكات و لە بەكارهێنانی ناوخۆ زیادەیە[12].
چوارچێوەی هەماهەنگی ترسی لە بایكۆتكردنی
هەڵبژاردنەكان هەیە
دوای داواكاری موقتەدا سەدر لە شوێنكەوتوانی كە
بایكۆتی هەڵبژاردنی ئەنجومەنی پارێزگاكان بكەن، هێزەكانی ناو چوارچێوەی هەماهەنگی
مەترسیان هەیە ڕێژەی بەشداری هاووڵاتیان لە هەڵبژاردن كەم بێت، بە تایبەت پێكهاتەی
شیعە لەو ناوچانەی كە پێكهاتەكەی تێكەڵن لە شیعە، كورد و سوننە، بۆ ئەو مەبەستەش
سەركردەكانی چوارچێوەی هەماهەنگی لە هەوڵدان ئاستی بەشداری هاووڵاتیان بەرزبكەنەوە[13].
فوئاد حسێن: هێرشكردنە سەر هێزەكانی ئەمەریكا بۆ
عێراق مەترسیدارە
فوئاد حسێن وەزیری دەرەوەی عێراق ڕایگەیاند
"سودانی لە هەوڵدایە قەناعەت بە گرووپە چەكدارەكان بكات كە هێرشكردنە سەر
بەرژەوەندیەكانی ئەمەریكا زیان بە سەقامگیری عێراق دەگەیەنێت، لە بەرژەوەندی دۆخی
ئەمنی عێراق نییە، مەترسییە بۆسەر عێراق".
وەزیری دەرەوەی عێراق وتیشی "ئەگەر هێرشەكان
بەردەوام بێت و قوربانی لێبكەوێتەوە، پرسیارێك دروستدەبێت كە ئایا كاردانەوەی
ئەوانی تر چۆن دەبێت، بە تایبەت هێزی هاوپەیمانان لە ڕووی سەربازی و ئەمنییەوە،
ئەوەش لێكەوتەی سیاسیی و ئابووری دەبێت"[14].
سەرۆك وەزیران دەستلەكاركێشانەوەی سێ وەزیری
ڕەتكردەوە
باسم عەوادی وتەبێژی حكومەتی عێراق ڕۆژی
(20/11/2023) لە بەیاننامەیەكدا ڕایگەیاند "لەپێناو جەختكردنەوە لەسەر
كارنامەی حكومەت و لەپێناو گرەنتی نوێنەرایەتی سیاسیی تێكڕای پێكهاتەكانی گەل و
پێكهاتەكان، محەممەد شیاع سودانی سەرۆك وەزیران دەستلەكاركێشانەوەی هەرسێ وەزیری
پلاندانان، پیشەسازی و ڕۆشنبیری ڕەتكردەوە"[15].
جێی باسە بەر لە چەند ڕۆژێك دوابەدوای دورخستنەوەی
محەممەد حەلبوسی لە سەرۆكایەتی و ئەندامێتی ئەنجومەنی نوێنەران، ئەو سێ وەزیرە كە
لە حیزبەكەی حەلبوسی بوون نامەی دەستلەكاركێشانەوەیان پێشكەشی سەرۆك وەزیران
كردبوو.
ئۆتۆمبێلێكی گرووپە چەكدارەكان بۆردوومان دەكرێت
بەرەبەیانی (21/11/2023) ئۆتۆمبێلێكی گرووپە
چەكدارەكان كە لە بەغدادەوە بەرەو ئەنبار دەڕۆیشت بۆردوومان كراوە، بە وتەی
سەرچاوە ئەمنییەكان پێدەچێت لەلایەن ئەمەریكاوە بۆردوومان كرابێت و بۆردوومانەكە
هاوكات بوو لەگەڵ هێرشكردنە سەر بنكەی هێزەكانی ئەمەریكا لە عەین ئەسەد[16].
سەرچاوەیەكی هێزەكانی ئەمەریكا بە ڕۆیتەرزی ڕاگەیاندووە لە وەڵامی هێرشی سەر بنكەی
عەین ئەسەد هەردوو گرووپی عەسائیبی ئەهلی حەق و كەتیبەكانی حزبوڵڵا لە ڕۆژئاوای
عێراق بەئامانجگیراون[17].
لە بەیاننامەیەكیشدا مقاوەمەی ئیسلامیی لە عێراق ڕایگەیاند "بەوپەڕی
شانازیەوە مقاوەمەی ئیسلامیی شەهیدبوونی فازیل مەكسوسی ڕادەگەیەنێت كە لە جەنگی
حەق دژی باتڵ لە ئەمەریكای داگیركەردا بەرجەستە بووە گیانی سپارد"[18].
وەزارەتی نەوت: بەرەوپێشچوون لە چارەسەری كێشەی
گرێبەستەكانی هەرێم هەیە
عاسم جیهاد وتەبێژی وەزارەتی نەوتی عێراق
ڕایگەیاند "حكومەتی عێراق و وەزارەتی نەوت مكوڕن لەسەر هەناردەكردنەوەی نەوتی
هەرێمی كوردستان لە ڕێگەی بەندەری جەیهانی توركیاوە، گرێبەستەكانی هەرێم لەگەڵ
كۆمپانیاكانی نەوت كێشەی تێدایە، وەزارەتی نەوت كاردەكات بۆ چارەسەركردنی ئەو
كێشانە و دەستپێكردنەوەی هەناردەكردنی نەوت"[19].
ئەمەریكا هێرش دەكاتە سەر حەشدی شەعبی
فەرماندەی ناوەندی هێزەكانی ئەمەریكا لە
بەیاننامەیەكدا ڕایگەیاند "بەرەبەیانی (22/11/2023) دوو هێرشیان كردوەتە سەر
دوو دامەزراوە لە عێراق، هێرشەكان لە وەڵامی ئەو هێرشانە بووە كە لەلایەن ئێران و
گرووپەكانی پەیوەست پێوەی كراونەتە سەر هێزەكانی ئەمەریكا، بە تایبەت ئەو هێرشەی
لە 21 تشرینی دووەم كە موشەكی بالیستی كورتمەودای تێدا بەكارهات"[20].
ئاژانسەكانی هەواڵ لە عێراق ئاشكرایان كردووە كە هێرشەكان لە ناوچەی جەرف سەخر لە
پارێزگای بابل بووە و ژمارەیەك كوژراو و برینداری لە ڕیزەكانی حەشدی شەعبی
لێكەوتوەتەوە[21].
حكومەتی عێراق سەركۆنەی هێرشەکەی ئەمەریكا دەكات
حكومەتی عێراق لە بەیاننامەیەكدا بە توندی سەركۆنەی
هێرشەكەی ئەمەریكا لە ناوچەی جەرف سەخەر دەكات، لە بەیاننامەكەدا هاتووە
"ئەوەی لە دوو ڕۆژی ڕابردوودا گۆڕەپانی عێراق بەخۆیەوە بینی پەرەسەندنێكی
مەترسیدارە و پێشێلكردنی سەروەری عێراقە، ... بە توندی سەركۆنەی ئەو هێرشە دەكەین
بێ ئاگاداری حكومەتی عێراق كراوەتە سەر ناوچەی جەرف سەخەر، پێشێلكردنێكی ڕوونی
سەروەری عێراق و هەوڵێكە بۆ تێكدانی ڕەوشی ئاسایش و ناوخۆ، حكومەتی عێراق بەرپرسە
لە جێبەجێكردنی یاسا و لێپێچینەوە لە سەرپێچیكاران، هیچ لایەنێكی دەرەكی مافی نییە
ئەو ڕۆڵە بگێرێت، ئەمە بەپێی دەستوری عێراق و یاسا نێودەوڵەتییەكان
ڕێگەپێنەدراوە"[22].
مالیكی: ئەمەریكا ڕاماندەكێشێت بۆ
ڕووبەڕووبوونەوەیەك كە ئاواتی بۆ ناخوازین
نوری مالیكی سەرۆكی ئیئتیلافی دەوڵەتی یاسا لە
تویتێكدا لە تۆڕی ئێكس نووسیویەتی "بۆردوومانی بارەگاكانی حەشدی شەعبی كە
هێزێكی فەڕمین لەلایەن ئەمەریكاوە، كارێكی سەركۆنەكراو و مەترسیدارە، پێشێلكردنی
سەروەری عێراقە، ڕاماندەكێشێت بۆ ڕووبەڕووبونەوەی زیاتر كە كەس ئاواتی بۆ
ناخوازێت، پەنابردن بۆ هێز هۆكارێكی یارمەتیدەر نییە بۆ تێپەڕاندنی گرژییەكان،
حكومەت پابەندە بە پاراستنی نێردە دبلۆماسی و ئەو بارەگایانەی ڕاوێژكارانی سەر بە
هاوپەیمانی نێودەوڵەتی تێدان"[23].
[1] https://www.alaraby.co.uk/politics/%D8%A7%D9%84%D9%82%D8%B6%D8%A7%D8%A1-%D8%A7%D9%84%D8%B9%D8%B1%D8%A7%D9%82%D9%8A-%D9%82%D8%B1%D8%A7%D8%B1-%D8%A5%D9%82%D8%A7%D9%84%D8%A9-%D8%A7%D9%84%D8%AD%D9%84%D8%A8%D9%88%D8%B3%D9%8A-%D8%A8%D8%A7%D8%AA%D9%91-%D9%88%D9%85%D9%84%D8%B2%D9%85-%D9%88%D9%84%D8%A7-%D9%8A%D8%AE%D8%B6%D8%B9-%D9%84%D8%B7%D8%B1%D9%82-%D8%A7%D9%84%D8%B7%D8%B9%D9%86
[2] https://alsabaah.iq/uploads/public_files/2023-11/5816.pdf
[3] https://shafaq.com/ar/%D8%B3%DB%8C%D8%A7%D8%B3%D8%A9/%D8%A7%D9%84%D8%AE%D8%B2%D8%A7%D9%86%D8%A9-%D8%A7%D9%84-%D9%85%D8%B1%D9%8A%D9%83%D9%8A%D8%A9-%D8%AA%D9%81%D8%B1%D8%B6-%D8%B9%D9%82%D9%88%D8%A8%D8%A7%D8%AA-%D8%B9%D9%84%D9%89-%D8%A8%D9%88-%D9%84%D8%A7-%D8%A7%D9%84%D9%88%D9%84%D8%A7-%D9%8A-%D9%88%D8%B9%D8%AF%D8%AF-%D9%85%D9%86-%D9%82%D9%8A%D8%A7%D8%AF%D8%A7%D8%AA-%D9%83%D8%AA%D8%A7-%D8%A8-%D8%AD%D8%B2%D8%A8-%D8%A7%D9%84%D9%84%D9%87-%D8%A7%D9%84%D8%B9%D8%B1%D8%A7%D9%82%D9%8A
[4] https://www.state.gov/terrorist-designations-of-iran-aligned-militia-groups/
[5] https://www.mawazin.net/Details.aspx?jimare=238016
[6] https://www.alsumaria.tv/news/politics/473778/%D8%A7%D9%84%D8%A5%D8%B7%D8%A7%D8%B1-%D8%A7%D9%84%D8%AA%D9%86%D8%B3%D9%8A%D9%82%D9%8A-%D9%8A%D8%A4%D9%83%D8%AF-%D8%A7%D9%84%D8%AA%D8%B2%D8%A7%D9%85%D9%87-%D8%A8%D9%82%D8%B1%D8%A7%D8%B1-%D8%A7%D9%84%D8%A7%D8%AA%D8%AD%D8%A7%D8%AF%D9%8A%D8%A9-%D8%A7%D9%86%D9%87%D8%A7%D8%A1-%D8%B9%D8%B6%D9%88%D9%8A%D8%A9-%D8%A7%D9%84%D8%AD%D9%84%D8%A8%D9%88%D8%B3%D9%8A
[7] https://amwaj.media/ar/article/exclusive-regional-state-moves-to-free-israeli-russian-researcher-held-in-iraq
[8] https://alarab.co.uk/sites/default/files/2023-11/12957.pdf#page=1
[9] https://alsabaah.iq/uploads/public_files/2023-11/5817.pdf
[10] https://presidency.iq/Details.aspx?id=11452
[11] https://twitter.com/Mu_AlSadr/status/1726314193643876468/photo/1
[12] https://alsabaah.iq/uploads/public_files/2023-11/5818.pdf
[13] https://www.alaraby.co.uk/politics/%D8%A7%D9%84%D8%B9%D8%B1%D8%A7%D9%82-%D9%85%D9%82%D8%A7%D8%B7%D8%B9%D8%A9-%D8%A7%D9%84%D8%A7%D9%86%D8%AA%D8%AE%D8%A7%D8%A8%D8%A7%D8%AA-%D8%AA%D9%82%D9%84%D9%82-%D9%82%D9%88%D9%89-%D8%A7%D9%84%D8%AA%D8%AD%D8%A7%D9%84%D9%81-%D8%A7%D9%84%D8%AD%D8%A7%D9%83%D9%85-%D9%88%D8%B3%D8%B7-%D8%AF%D8%B9%D9%88%D8%A7%D8%AA-%D9%84%D9%84%D8%AA%D8%A3%D8%AC%D9%8A%D9%84
[14] https://www.mawazin.net/Details.aspx?jimare=238174
[15] https://twitter.com/BasimAlawadi/status/1726583325207482825/photo/1
[16] https://www.alaraby.co.uk/politics/%D9%82%D8%B5%D9%81-%D8%B4%D8%A7%D8%AD%D9%86%D8%A9-%D8%BA%D8%B1%D8%A8%D9%8A-%D8%A8%D8%BA%D8%AF%D8%A7%D8%AF-%D9%88%D8%A7%D8%B3%D8%AA%D9%87%D8%AF%D8%A7%D9%81-%D8%AC%D8%AF%D9%8A%D8%AF-%D9%84%D9%82%D8%A7%D8%B9%D8%AF%D8%A9-%D8%B9%D9%8A%D9%86-%D8%A7%D9%84%D8%A3%D8%B3%D8%AF
[17] https://shafaq.com/ar/%D8%A3%D9%85%D9%80%D9%86/%D8%A7%D9%84%D9%82%D9%88%D8%A7%D8%AA-%D8%A7%D9%84%D8%A7%D9%85%D8%B1%D9%8A%D9%83%D9%8A%D8%A9-%D8%AA%D8%AA%D8%A8%D9%86%D9%89-%D8%B1%D8%B3%D9%85%D9%8A%D8%A7-%D8%A7%D8%B3%D8%AA%D9%87%D8%AF%D8%A7%D9%81-%D8%A7%D9%84%D8%B9%D8%B5%D8%A7-%D8%A8-%D9%88%D8%A7%D9%84%D9%83%D8%AA%D8%A7-%D8%A8-%D8%BA%D8%B1%D8%A8%D9%8A-%D8%A8%D8%BA%D8%AF%D8%A7%D8%AF
[18] https://www.alaraby.co.uk/politics/%D8%AC%D9%85%D8%A7%D8%B9%D8%A9-%D8%B9%D8%B1%D8%A7%D9%82%D9%8A%D8%A9-%D9%85%D8%B3%D9%84%D8%AD%D8%A9-%D8%AA%D8%B9%D9%84%D9%86-%D9%85%D9%82%D8%AA%D9%84-%D8%A3%D8%AD%D8%AF-%D8%B9%D9%86%D8%A7%D8%B5%D8%B1%D9%87%D8%A7-%D8%A8%D9%85%D8%B9%D8%B1%D9%83%D8%A9-%D8%B6%D8%AF-%D8%A7%D9%84%D9%82%D9%88%D8%A7%D8%AA-%D8%A7%D9%84%D8%A3%D9%85%D9%8A%D8%B1%D9%83%D9%8A%D8%A9
[19] https://www.ina.iq/197786--.html
[20] https://www.facebook.com/photo/?fbid=733400715489899&set=a.294110579418917&locale=ar_AR
[21] https://shafaq.com/ar/%D8%A3%D9%85%D9%80%D9%86/%D8%A7%D8%B1%D8%AA%D9%81%D8%A7%D8%B9-%D8%AD%D8%B5%D9%8A%D9%84%D8%A9-%D8%A7%D9%84%D8%B6%D8%AD%D8%A7%D9%8A%D8%A7-%D8%A8%D8%A7%D9%84%D9%82%D8%B5%D9%81-%D8%A7%D9%84-%D9%85%D8%B1%D9%8A%D9%83%D9%8A-%D8%A7%D9%84%D8%B0%D9%8A-%D8%A7%D8%B3%D8%AA%D9%87%D8%AF%D9%81-%D8%A7%D9%84%D8%AD%D8%B4%D8%AF-%D8%B4%D9%85%D8%A7%D9%84-%D8%A8%D8%A7%D8%A8%D9%84
[22] https://www.facebook.com/photo/?fbid=782574520583176&set=a.295186165988683
[23] https://twitter.com/nourialmalikiiq/status/1727279962309247303
#عێراق
بینێرە لە ڕێگەی