تاک
هێزە لەبرییەكانی توركیا دار زەیتونەكانی عەفرین دەبڕنەوە
دوو گرووپی سەر بەهێزە لەبرییەكانی توركیا 175 دار زەیتونی جوتیارانی كورد لە عەفرین، كە لەلایەن توركیا و هێزە لەبرییەكانییەوە داگیركراوە، دەبڕنەوە.
مستەفا شێخۆ كە چالاكوانێكی كوردە و بڕینەوەی دارە زەیتونەكانی عەفرینی لە ڕۆژئاوای كوردستان دیكۆمێنت كردووە، دەڵێت بەشێكی زۆر لە دار زەیتونەكان لە لایەن چەكدارەكانی سوڵتان مورادەوە بڕاونەتەوە.
بە وتەی ناوبراو بێت، بەشێكەی تریان كە 75 دارە لەلایەن چەكدارانی (حەمزات)ەوە بڕاوەتەوە. [1]

حكومەتی سوریا گەمارۆ دەخاتەسەر ناوچە كوردییەكانی باكوری حەلەب
حكومەتی سوریا، لە ڕێگەی هێزە چەكدارەكانییەوە، گەمارۆی خستووەتە سەر چەند ناوچەیەكی كوردی لە باكوری حەلەب كە لە ژێر كۆنترۆڵی هێزە كوردییەكاندایە.
گەڕەكەكانی ئەشرەفییە و شێخ مەقسود لە 20ی مانگی نۆڤەمبەری ڕابردووەوە لەلایەن دیمەشقەوە گەمارۆیان خراوەتەسەر و بەم هۆیەوە دانیشتوانی ناوچەكە ڕووبەڕووی ژیانێكی سەخت بوونەتەوە.[2]

سوریا ئەیمەن سۆسان وەك باڵیۆزی سوریا لە سعودیە دیاری دەكات
دوای یازدە ساڵ لە تێكچوونی پەیوەندییەكانی نێوانیان، 6/ 12/ 2023 سەرۆكی سوریا بەشار ئەسەد دكتۆر ئەیمەن سۆسان وەك باڵیۆزی سوریا لە سعودیە دیاری كرد.
وەزیری دەرەوەی سوریا فەیسەڵ میقداد ئامادەی مەراسیمی دیاریكردنی ئەیمەن سۆسان بوو.[3]

ڕاند پاوڵ دەیەوێت لە ڕێگەی پرۆژە یاسایەكەوە كۆتایی بە بوونی هێزە ئەمەریكییەكانی نێو سوریا بهێنێت
بەپێی سەرچاوەیەكی ئاگادار بێت، ڕاند پاوڵ- كە لەسەر كۆمارییەكان هەژمار دەكرێت- پلانی هەیە لە ڕێگەی دەنگدانەوە ئیدارەكەی بایدن ناچار بكات لە ماوەی 30 ڕۆژدا هێزە ئەمەریكییەكانی نێو سوریا بكێشێتەوە.
پاساوی پاوڵ ئەوەیە كە بوونی ئەم هێزانەی ئەمەریكا لە سوریا "ڕەزامەندی كۆنگرێسیان لەسەر نییە" و مانەوەیان لەوێ "خزمەت بە بەرژەوەندییەكانی ئەمەریكا ناكات". [4]

ئیسرائیل لە هێرشێكدا دوو ئەفسەری سوپای پاسداران لە سوریا دەکاتە ئامانج
سوپای پاسداران ڕایگەیاند. كە دوو لە ئەفسەرەكانی لە سوریا، بەهۆی هێرشێكی ئیسرائیلییەوە، گیانیان لەدەست داوە.
سوپای پاسداران باس لەوە دەكات كە ئەم دوو ئەفسەرەی سوپاكەیان لە سوریا "ڕاوێژیان بە بەرەی مقاوەمەی ئیسلامی لە سوریا كردووە".
بەپێی میدیای فەرمی حكومەتی سوریا بێت، ئەم دوو ئەفسەرەی سوپای پاسداران لە دەوروبەری دیمەشق كوژراون، بەڵام ڕوانگەی سوری بۆ مافەكانی مرۆڤ باس لەوە دەكات كە ئەم دوو ئەفسەرەی سوپای پاسداران لە بارەگایەكی حزبوڵڵادا كوژراون. [5]

پرۆگرامی خۆراكی جیهانی: لە سەرەتای ساڵی نوێوە كۆتایی بە پرۆگرامەكانمان لە سوریا دەهێنین
بەپێی ڕاگەیاندراوێكی ڕێكخراوەكە بێت، پرۆگرامی خۆراكی جیهانی لە سەرەتای ساڵی نوێوە سەرەكیترین پرۆگرامەكانی لە سوریا ڕادەگرێت و چاوەڕوان دەكرێت بەهۆی ڕاگرتنی ئەم پرۆگرامەوە سەدان هەزار هاووڵاتی سوری ڕووبەڕووی گرفتی كەم خۆراكی ببنەوە.
پێشتریش ئەم ڕێكخراوە، بەهۆی كەمی هاوكارییەوە، بەشێك لە یارمەتییەكانی بۆ پەنابەرانی سوریا لە ئوردن و لوبنان ڕاگرت.[6]  



[1] https://www.rudaw.net/english/middleeast/syria/06122023
[2] https://www.kurdistan24.net/en/story/33346-Syrian-Government-imposes-new-restraints-on-Kurdish-villages-in-northern-Aleppo
[3] https://sana.sy/en/?p=321525
[4] https://theintercept.com/2023/12/05/rand-paul-syria-war-troops/
[5] https://theintercept.com/2023/12/05/rand-paul-syria-war-troops/
[6] https://apnews.com/article/syria-world-food-program-food-aid-5daed470afbb1761dffe19e1fc4a8520