تاک
ئه‌گه‌رچی قسه‌كردن له‌سه‌ر داڕشتنی پلانی ستراتیجی، بووه به مۆدێلی ناو گفتوگۆ سیاسی و كارگێڕییه‌كانی دنیای ئه‌مڕۆ و، وا ده‌رده‌خرێت كه ستراتیجی، ئاڕاسته‌‌كاری ته‌كتیك، تە‌كنیك و پرۆسیجه‌ره‌كانه، به‌ڵام ئه‌وه‌ی له داڕشتنی ستراتیجی گرنگتره، روانگه‌ی سه‌ركرده‌یه. ئه‌وه روانگه‌ی بڕیاربه‌ده‌ستی سیاسییه كه ده‌بێته چوارچێوه بۆ دیاریكردنی ئامانجه‌كان و به‌رمه‌بنای ئه‌وه‌ش، داڕشتنی ستراتیجی ده‌ست پێ ده‌كات. به‌مجۆره، بنه‌ما فیكرییه‌كان، گه‌وهه‌ری سیاسه‌تن و، به‌بێ بوونی فیكرێكی روونی سیاسی، باسكردن له به‌ڕێوه‌بردنی نیشتمانی، ده‌چێته خانه‌ی خه‌یاڵه‌وه.
ئه‌م نووسینه ده‌یه‌وێت وه‌ڵامی ئه‌و پرسیاره بداته‌وه كه: ئایا هه‌رێمی كوردستانی عێراق به‌رهه‌می فیكری سیاسییه و ئایا له‌ناو ستره‌كچه‌ری سیاسی ئه‌مڕۆی ئه‌م هه‌رێمه‌دا، عه‌قڵ و سیاسه‌ت تا چه‌ند ته‌بان؟
#باشووری_کوردستان
بینێرە لە ڕێگەی